أحرزت تقدما في رحلتي واصبحت حياتي ممتعة

كانت رحلة جميلة وممتعة الغاية واجهت فيها تحديات كثيرة وعديدة من أعراض أنسحابية قوية ولكن ربنا لم يضيع عملي
A+ A-

"الله أكبر الله أكبر الله أكبر ️️

السلام عليكم ورحمه الله وبركاته️

اليوم وصلت 90 في التعافي 

الأيام النظيف : 55

بخمس زلات : 5

عدد الهفوات : 3

اليوم : 99 بدون وسائل التواصل الاجتماعي 

(انستجرام،تيك توك، فيسبوك،)

- إزاي كنت بواجه الصعوبات خلال فترة التعافي ؟

- كنت ازداد قرباً من الله

 مثل : الصلاة سنن،قيام ليل، صيام الاثنين والخميس،خشوع إلي الله في صلاة وبكاء،

- كنت أتكلم مع أصدقاء التعافي

 كانوا سبب (في تخفيف الألم علي،أتكلم مع أحد أثق فيه، أنزل أتمشي)

- كنت بحط المشكلة اللي حصلت في التعافي 

أو في (الدراسة،الأهل،أياً كانت المشكلة  ) علي قد حجمها عشان ميتأثرش التعافي وأحل المشكلة واعرف سببها وعملت أي مشكلة كدا وكان بيفرق معايا جداً 

- التغيرات الإيجابية الحاصلة بعد التقدم في طريق التعافي. 

كانت رحلة جميلة وممتعة الغاية 

واجهت فيها تحديات كثيرة وعديدة من أعراض انسحابيه قوية ولكن ربنا لم يضيع عملي والحمدلله حسيت لما كنت في طريق تعافي في يوم ال 45 تحديداً أن في أشياء جميلة جداً بدأت تظهر منها :

- التقرب إلي الله  

- حسيت بتحسن كبير في نشاطي وقوتي وتحسن ملحوظ جدا 

- ثقتي بدأت تزداد 

- زيادة السعادة الأضعاف

- تخلص من الاكتئاب والتوتر 

- علاقتي مع أهلي بقت أفضل 

- بدأت أكوّن صحبة صالحة 

- كوّنت عادات إيجابية وصحية 

- تعلمت مهارات كثيرة مثل 

(تعلم الكتابة السريعة علي الكيبورد، قربت أخلص المستوى الاول في تعلم اللغة الإنجليزية ،تعلمت بعض المهارات في البرمجة )

- ازددت وعي بمخاطر الإدمان وانصح أشخاص مثل (أهلي اصدقائي،علي جروبات التعافي )

- مفاهيم صحيحة تم تعلّمها، أو مفاهيم خاطئة تم تصحيحها.

- عدم الندم أو الحزن علي حدث أو مشكلة لقدر الله مثل :

 زلة أو انتكاسة 

الأن هذا شيء خاطئ علي التعافي❌ 

وهي وساوس من الشيطان

 الانتكاس

 طبيعي نقابل في طريق التعافي غلطات‍

 في الأول عشان احنا بنبدأ لسه فمتزعلش️ علي الغلط وقوم وكمل وتصحح الغلط ده وهتتفادي المرة الجاية وقعت برده تاني️ عادي بص حط كلمة دي في ودانك 

كلما فشلت كلما زادت فرصتك في النجاح

البني أدم خطاء 

حتي الرسول صلى الله عليه وسلم 

الأنبياء والرسل يخطئون ولكن الله تعالى لا يقرهم على خطئهم بل يبين لهم خطأهم رحمة بهم وبأممهم ويعفو عن زلتهم ويقبل توبتهم فضلا منه ورحمة والله غفور رحيم.

- عدم اتباع خطة التعافي 

مثل : أنا كنت ملتزم جدا في رمضان خرجت من رمضان بعديها 10 ايام حصل غلط كسلت في خطة تعافي وحصلت المشكلة

 وده كان بسبب تقصير مني بسيط 

نصيحة مني 

أرجوك لا تتهاون  بالخطة أي كان الخطة مهمة جدا حتي لو بشيء بسيط عشان كان السبب في حدوث زلة  للأسف أرجو أو أي أحد شاف الرسالة لا يتهاون أرجو منك عدم التقصير الأن خطة عمود التعافي وهي مهمة جداً. 

- غض النظر 

يا شباب نقطة ديه مهمة جداً

أنا كنت بغض بصير في رمضان دايما وكنت حاسس بشئ جوايا جميل بحس أن ربنا راضي عني شعور ده مش هعرف أوصفهولك عشان دي حاجة بينك أنت وربنا زي ماقولت حصل خلل بعد رمضان بدأت استسهل ومبقتش أغض بصري وده كان سبب لحدوث الزلة 

غض البصر وحاول تشتيت انتباهك متضيعش نفسك عشان شهوة مدتها دقيقة موضوع كبير يا جماعة وغض البصر ده شيء مهم جدا أرجو عدم التهاون فيه.

- تجربتي مع برنامج فريق واعي

يااه فعلا أنا أعجز عن الشكر لكم الحمدلله كل هذا من فضل الله وحده ثم جاء دور برنامج واعي

 أنا عايز أقول حاجة واحدة بس أنا لو جبتني من 3 اشهر وشوفت نفسي واللي أنا بعمله دلوقتي هتنصدم 

أنا حياتي اتغيرت 180% درجة بقيت شايف الدنيا ألوان حاسس في حاجة جميلة في الحياة حاسس بحاجة بتقول في أمل  أنا مكنتش متصور أني ممكن في يوم من  الأيام هتعافي️ كنت بشوف ناس اللي بتوصل ل 90 يوم دي أبطال خارقين اقول ازاي عملت كدة؟! 

دلوقتي الحمدلله من موقعي هذا وصلت اليوم 90 تجربتي كانت مختلفة جدا في واعي حسيت أني هقدر أتعافى وكنت صابر بكلامكم الجميل كان بيدي الواحد دوبامين صحي رفعتوا من همتي وبدأت أتغير في حياتي من أسلوبي طريقة كلامي حتي أهلي لاحظوا التغيير وأكتر حاجة ساعدتني في فترة التعافي هو معسكر واعي الرمضاني ده كان شبه رفيق ليا كان دليلي خلال رحلة التعافي اتعلمت حاجات كتير جداً

يا جماعة من عادات صحية وكان ملئ بنشاطات ومسابقات جميلة جداً بجد معسكر زي ده كان محسسني أني وسط أهلي مش حد غريب كان التعاون رهيب والحيوية والهمة  في المعسكر كانت تتوصل للسماء  في كلام كتير مستحيل يتقال بلسان كلام جوا قلبي مش عارف اوصفو إزاي بشكر من كل قلبي فريق واعي علي المجهود الجبار اللي بذلتموه بشكر كل مشرف كان في فريق واعي بشكر كل صديق

 تعافي عرفتوا بشكر المعسكر علي الأوقات الجميلة للي  قضيتها معكم  بشكر دكتور : محمد عبد الجواد 

شكراً لكم 

وفي الختام

الحمدلله ️

كان معكم صديقكم : محمد"

  • اسم الكاتب: متعافي
  • اسم الناشر: aya gamal
  • تاريخ النشر: 1 ديسمبر 2023
  • عدد المشاهدات: 220
  • عدد المهتمين: 25
  • الاكثر قراءة
  • اخترنا لك