أنت تصنع ما تواظب على تكراره

ملخص اللى اتعلمته ان الادمان مرض مزمن و التعافى ايضا مزمن لو تركت التعافى رجعلك الادمان حتى لو بعد سنين من التعافى، هتفضل مواظب على التعافى بقيت حياتك على قد ما تقدر
A+ A-
محتوى المقال

الحمدلله رب العالمين. الحمدلله الذي هدانا لهذا و ما كنا لنهتدى لولا أن هدانا الله

90 يوم بدون زلات نهائيا الحمدلله بعد ادمان بقى لسنوات . 

الخطة العلاجية

 ورد قرأن يوميا

صيام اثنين و خميس ( كنت اصوم يوم واحد فيهم للامانة) 

صيام دوبامين يوم فى الأسبوع ( اقرأ عنه مفيد) 

جلوس الاسرة بدل الجلوس وحيدا لاوقات طويلة

تغيير البيئة المحيطة من ( مقاطعة و تقليل التعامل مع اصدقاء يتحدثون فى اشياء جنسية – الابتعاد عن البنات الفاتنة فى الجامعة - تبديل ذلك بالمسجد و الجيم كأصدقاء - تغيير أشياء فى الغرفة و الجلوس فى غرف اخرى – حجب المواقع الاباحية بكافة الطرق الراوتر تطبيق  quistudio و blocker hero حتى نمنع الوفرة التى تؤدي الى الادمان – تفعيل وضع الامان على جوجل و اليويتوب – حذف جميع مواقع التواصل الاجتماعى فيس بوك انستجرام تويتر لم يبقى لى غير واتس و تليجرام من اجل واعي)

الابتعاد عن الأغانى 

جلسات تأمل ليلية بالاستماع الى القرآن و تدبر أياته

اشغال الوقت حيث استيقظ يوميا ادون ما اريد فعله فى يومي و اشغله كله بالمهام فلا اترك ساعة فاضية

تصفح واعي يوميا

ركعتين قيام قبل النوم

الحفاظ على تخريج صدقة و لو قليلة باستمرار

تدوين اليوميات

بدائل لتعويض هرومونات السعادة 

الرياضة (انروفين و دوبامين حلال) 

كتابة 3 انجازات يومية او اكثر ( دوبامين حلال) 

الحديث مع الاسرة و شخص مقرب لك ( اوكسيتوسين حلال) 

عمل اكلة بتحبها، كتابة اهداف تريد تحقيقها خفيفة و تنظر عليها باستمرار 

كنت عامل ملف اكتب فيه نقاط القوى لدى و انجازاتي و أشياء جيدة حدثت لى و نعم حياتى و انظر له من وقت للاخر لتحسين الحالة المزاجية 

اخيرا

ملخص اللى اتعلمته ان الادمان مرض مزمن و التعافى ايضا مزمن لو تركت التعافى رجعلك الادمان حتى لو بعد سنين من التعافى، هتفضل مواظب على التعافى بقيت حياتك على قد ما تقدر لو هجرته هجر كلى هترجع مدمن مهما عدى من سنين، المفروض متخفش او متزعلش من حاجة زي كدا لانك بدلت شر بخير بدلت حاجة بتاكل فيك و تموتك بعادات تخليك ناجح فى الدنيا و الأخرة.. يعنى أنا مكمل العداد و مكمل الخطة مش هوقف اى حاجة باذن الله

آسف للإطالة

الحمدلله انى عرفت واعى و بشكرهم جدا على مجهودهم 

أتمنى التعافي للجميع

  • اسم الكاتب: متعافي
  • اسم الناشر: aya gamal
  • تاريخ النشر: 1 ديسمبر 2023
  • عدد المشاهدات: 239
  • عدد المهتمين: 26
  • الاكثر قراءة
  • اخترنا لك