كلما فشلت كلما زادت فرصتك للنجاح

السلام عليكم ورحمه الله وبركاته

الحمدلله الذي بنعمته تتم الصالحات 

وصلت اليوم الـ60 

ولكن بزلة 

بس الحمد لله تعلمت من هذا الخطأ ولن أكرره مرة أخري 

هتكلم عن الأشياء اللي ساعدتني في هذه الفترة 

رمضان

انا أول مرة في حياتي أحس أني  أنا عايش وبتنفس وبشوف الدنيا وقلبي كان فرحان دايماً مكنتش بتعصب خالص ولا أفكر في الإباحية أو العادة  كنت طول اليوم مفيش ولا لحظة لما كنت بذكر فيها الله .. 

ذكر الله️ دائماً وتذكر أن الله معك دي من أفضل الأسباب اللي تخليك تتعافي والحفاظ علي الصلاة في المسجد كنت بحس براحة نفسياً كنت لما بخرج من صلاة التراويح ياسلام كان أفضل وقت في حياتي️ كنت بغض بصري كنت بحس بحلاوة الإيمان في قلبي يا جماعه والله مش عارف أشرحلكوا إزاي من كتر ما قلبك بينبض من الفرحة وتحس ربنا معاك في كل لحظة كان كل يوم بيعدي عليا بحس فيه بسعادة 

معسكر واعي الرمضاني 

أكتر شئ ثم أكتر شئ ساعدني في بناء العادات من حيث روح الجماعة والعادات الصحية  وعادات كثيرة في حياتي دلوقتي عادات بقت جزء من حياتي حتي بعد من انتهاء المعسكر، معسكر فعلاً بحق 

لازم تبقى في المعسكر ده من أكتر الأشياء اللي هتساعدك في التعافي 

ازاي كنت بقدر أواجه الرغبات الملحة؟

أول شئ

لما كانت تأتي الشهوة كنت استغفر ربنا وأحسس نفسي بالذنب وأذكر ربنا 

ثاني شئ

كنت أتخيل ماذا يحدث لي بعد مشاهدة الإباحية وممارسة العادة السرية : سأشعر بشعور جميل وممتع ولكن للأسف هذه متعة قصيرة المدي متعة زائلة وسأشعر بتأنيب ضمير شديد واكتئب وسأكون كسول ولن أكون شخص ناجح ولن أحقق أهدافي وافتكر حاجات كتيرة جداً لحد لما تعدي

أقول أنا لو معملتهاش هبقي كده نجحت وأكون بحقق أحلامي وأهدافي إن شاء اللّه  ️ده كان أكبر دافع ليا إني مفكرش وبعد تفكير ألاقي  الشهوة اختفت تماماً

لا تجعل شهوة تتحكم فيك يا أخي الكريم هي مدة قصيرة قم ببعض الأشياء واشغل نفسك بتكوين العادات أبدأ من الأن يا أخي أعرف أنك حاولت كثير وكثير ولن تنجح ولكن أريدك أن تتذكر هذه الجملة 

كلما فشلت كلما زادت فرصتك في النجاح

والحمدلله أنا مستمر رغم الأعراض الانسحابية التي كنت أعاني منها والبكاء الشديد والزلات ولكن كل مرة أصبح أقوي كل يوم وبدأت أقاوم رغبة ملحة بسهولة شديدة جداً بفضل الله 

وإن شاء الله في طريقي لـ 90 يوم ️‍️‍️‍

والسلام عليكم ورحمه الله وبركاته