في طريق التعافي ستجد أمل وسعادة وطمأنينة

الحمدلله الذي هدانا لهذا وما كنا لنهتدي لهذا لولا أن هدانا الله 

٩٠يوم الحمدلله في التعافى أي نعم زللت خمس زلات وهفوتين في آخر أسبوعين دول ولكن فيه فرق ملحوظ جداً فكرياً أحب أقول أولاً

لأن كنت في الاول بمجرد ما يحصل هفوه بقول كل شيء راح وبنتكس وبكتأب إنما بفضل الله دلوقتي بقي بيحصلي هفوة بقول الحمدلله إنها هفوة وبكمل 

ولو زللت أو انتكست بعالج السبب وأه بيحصلي مشاعر سلبية بس مبقتش أهرب منها بوقوع أكتر لا بكتب كل حاجه بحس بيها وبكتب عكسها الإيجابي وبشوف الغلط فين وبحاول أصلحه كل ده مكنش موجود عندي ف التعافي، التعافي كنت شايفه لازم يكون مثالي وإما يا أكون ماشي مظبوط جداً يا ضائع بمعنى الكلمة الحمدلله دلوقتى فهمت أن فيه رمادي في طريق التعافى  اللي أكيد بمشيئة الله هيوصلني للأبيض إلا وهو التعافى وممتن حقيقى إني ابتديت اكتسب الفكر ده والله ما فى حاجة مثاليه١٠٠٪حتى التعافى كل شيء وله نقصه ولاني زللت أكتر من مرة الأسبوعين اللي فاتوا  اللي ممكن يكونوا انتكاسه الله أعلم المهم أني أبص للجانب الإيجابي إني الحمدلله أسبوع واحد تعرضت من ضمن أثني عشر أسبوع ف ده شيء ممتن ليه جداً جداً

وفي طريق التعافى اكتسبت ثقة فنفسي الحمدلله وابتديت أكون مبسوط متأثر شويه بس الشيئين دول من آثار الزلل ولكن متأكد أنها هترجع تاني إن شاء الله

واللي بفضل الله مكمل معايا المذاكرة اتحسنت فيها وبقي ليا صبر عليها الحمدلله ودي كانت تفاصيل 3 شهور اللي فاتوا واللي اكتسبتوا فكرياً الحمدلله ربنا يثبتني عليه

العادات اللي كنت بعملها 

- الصلاه والورد القرآني والأذكار 

- تثقيف النفس عن التعافى 

- الرياضة والدش البارد جمال جداً

- المشاركة والدعم 

- كتابة اليوميات

وبس يارب أكون أفدتكم وربنا يرزقني الثبات واكتب بشرى التسعين الجديدة بمشيئة الرحمن 

سلام عليكم