القرار قرارك هل انتي تريدين أن تتعافي؟

أكيد لما اسأل سؤال راح يكون جواب كلنا اه لكن

كلنا بنبلش وبعد فترة بنوقف بنصير مزاجين و بنصير نحكي احنا مش قدرانين نكمل 

هاد ذكرني بدخولي الجامعة كان بيئة غريبة ومواد مش فاهمة منهن اشي. 

كنت متحمسة بعده راح الحماس، صرت أحس كلشي بصعوبة، و غير ضغط الإمتحانات و غير طلبات الدكاترة وضغط. 

هون كان بإمكاني أطلع من الجامعة لكن هاد ما كان قراري كملت فيها حتى تعودت. 

اه كنت أصحى بدري بنص نعس مشان ألحق المحاضرة، كنت أدرس ما كان الموضوع مزاجي،

ليش ما نتعامل هيك مع التعافي؟ 

مهام يومية لا تستغرق أكثر من ساعتين اعمله شو ما كان مزاجك  أنت لما يكون عندك إمتحان شو ما كان مزاجك بتدرسوا و بتعطي كل اللي عندك، 

بس بتيجي للتعافي يوم كان مزاجي سلبي ما عملت اشي لإنك آخذ الموضوع شيئ ثانوي. 

حط مشاعرك على جنب واشتغل، هاد فخ وقعت فيه، واليوم أدركته ، أي إشي عملتوا بحياتك و نجحت فيه ، متى كنت مبسوط؟ 

بالعكس كنا احنا ندرس نتعب تعب ربنا يعلم فيه، نصحى الفجر نراجع مواد وأعمل المستحيل لأنجح وتذكر إشي أنت ناجح فيه سواء دراستك أو عبادات دينية أو أي إشي شو ما كان صغير واجه نفسك!! واجه نفسك!! واجه نفسك. 

طيب نيجي للتعافي، كل المطلوب منك بس :

تقرأ كورس بداية. 

خطة التعافي مشان تذكرك بهدفك وتعززك. 

 مهام يومية : ما بتتعدا ساعتين. 

الجانب الصحي:

- الرياضة:

من ٥ :١٠ دقائق وهاد الشيئ راح يعطيك دوبامين صحي 🩵

- الأكل الصحي:

هاد راح يخليك تحس راحة في الأكل لو بتعاني من مشاكل في الأكل أو راح يخفف وزن لو بتعاني سمنة و راح تفيد جسمك بغذاء مفيد جداً ليكمل اليوم.. بس عليك تسعى يكون أكلك أكثر صحة، لو بتأكل حلويات كثيرة استبدلها بفواكه أوله غريب بس بتتعود و جرب أعمل سلطة بدل تسلاية شوكلاتة بلش خفف بس أنا ما بحكي حرمان، لا خفف أو حط أيام مثلاً يوم فري. 

- النوم و الإستيقاظ باكراََ :

ليه فوائد كثيرة جداََ منه بيزيد تركيزك ومنه بتصحى على صلاة الفجر وبتستغل يومك أفضل إستغلال، جرب نام أبدر بساعة أو نصف ساعة وأصحي أبدر بساعة أو نصف ساعة، أو طريقة ثانية جرب أصحي بدري خليك صاحي طول يوم و راح تنام بدري من تعب و هيك بتنظم مرة على مرة.

- شرب الماء :

ليه فوائد صحية، للبشرة والهضم و هاي حاجة الجسم أصلاََ، كل ساعة أو ساعتين اشرب كاسة وشوف الفرق. 

 كيفية الانتظام بدوام جامعة أو مدرسة بعد عطلة وسهر نفس الأشياء.  

الجانب الديني:

- الصلاة :

 فرض على كل مسلم من أركان الإسلام بعد الشهادتين هي الصلاة، اللي بيصلي مش ملتزم لا اللي بيصلي مسلم ، فيا جماعة ما الذي يمنع من دقيقتين في كل صلاة؟ 

أول ما تسمع الأذان صلي لإن هاد لقاء مع الله. 

 أي عبادة دينية من قراءة القرآن والإستغفار والتسبيح، بلش بالبسيط شوي شوي. 

- الجانب العقلي : 

- لا تعافي بدون وعي:

لا يوجد دروس تعافي لا يوجد وعي بالإدمان ولا يوجد تعافي. 

فهون كل يوم ركز تتعلم اشي جديد، ما عندي وقت أسمع؟ 

في تلخيصات بس أنا بفضل كبداية السماع علشان تفهم شرح أكثر وأكثر وصدقني هاد الشيئ ممتع جدا.

- الهواية :

أي هواية جرب تصوير أو قراءة أو خياطة أو تطريز أو طبخ أو رسم أو تلوين أو كتابة أو تصميم أو غيره، 

ممكن أوله تحس النتيجة فاشلة، تحكي هاد مش موهبة بس وقف شوي أنت ولدت صفحة بيضاء شو إللي بيخلي هاي عندك موهبة إنك؟ إنك تشتغل عليه، شوف فيديوهات على اليوتيوب تعلمك عن أي إشي حكيتوا أو ببالك، صدقني في الآلاف من الفيديوهات بتشرحلك، اليوتوب ما خلى شيئ ما شرحوا بلش جرب مرة على مرة بتتقن لا يوجد شيئ اسموا ما عندي ، عندك بس اكتشف حالك واشتغل عليه. 

- جلسة التأمل والتفكر :

هاي إشي كثير حلو، بتصفي كل أفكارك بس تتأمل في الطبيعة أو يمكن في إشي معين بتكون لحظات هدوء حلوة، الواحد يعيشه كل يوم، صدقني بتغير مزاجك و بتحسنك وجد بتفرق وممكن تتأمل في تعافيك وأهدافك وأمور إيجابية بحياتك، أنا بعتبره للراحة النفسية. 

- كتابة اليوميات :

ممكن تكتبي شو اللي صار معك، يوم منه بتتبعي أحداث اليوم وبتفهمي كيف ممكن تطوري بكرة أكثر وممكن تتبعي فيه مشاعرك و تفهمي حالك، وممكن تمارسي تفريغ وتفهمي حالك فيه وهي جزء أساسي من العلاج النفسي بحيث إنك بتبلش تطلع اللي بداخلك وتحب حالك وتتقبله لذلك أي شيئ برضوا مهم. 

- تفاعلي مع تقارير رفيقاتك :

هاد الشيئ جداً بجنن إنوا ندعم غيرنا إنوا يتعافى ممكن نكون سبب في تحسين نفسيتوا و سبب لتعافيه لذلك لا نبخل لو بدعم لو كانت كلمة بسيطة. 

- إحكي عن يومك :

بتحكي ببساطة عن أهم الأحداث اللي صارت وهون بتشارك يوم لغيرك وهون بتحس حالك إنك مش لحالك. 

و إذا بدك سؤال في قسم سؤال وجواب وفي عندك قناة سؤال وجواب مجاوبة على الأسئلة المكررة.

وهاد الأدوات كلها كافية لتتعافى شو ما كان وضعك، غيرك عمله أنت كمان بتقدر، طب ليش أنا مش قادر ألتزم أو أعمله؟ 

الشي مش حماس الشي انضباط شو اللي كان يجبرك في المدرسة كل يوم تصحى، معقول إنك كل يوم متحمس؟ لا بس خلص عليك مدرسة برضوا، هون عليك مهام ألتزم في المهام، هاد الشي مهم جداً لأنوا فعلاً مهم جداً. 

شوف الفرق الكبير بينك وبين شخصيتك اللي قبل، 

من هون بعلن عن بدأ إلتزامي مهما حدث لي بهاي المهام كإنه دوام كلية، مهام علي فعله، وهذه كلية واعي فيه مهام ودروس سألتزم بها، لأحصل على شهادة في نهاية السنة، تأكد إني تخطيت سنة نظيفة كاملة.

هسا راح يجي حد يحكيلي أنتِ مش عارفه ظروفي!؟

الظروف عمرها ما هتكون مثالية اه أنا تعرضت لتحرش و وفاة و عدم أمان وكلشي بدك إياه مع هيك راح أتعافى، اه راح أتعافى لو حبستوني بغرفة كلها عتمة مفيش فيه إلا ضوء صغير راح أتمسك فيه، منه راح أطلع من ظلمتي، لو شو ما صار من ظروف هتعافى.

لو كل يوم بدي أعمل مهام أنا جد مش قادر، هعمل وهتعافى، هتحدى حالي واللي هي أكبر عائق لي وهتعافى 

القرار هو قرارك أما أنت تختار إن تتغير أو تبقى كما أنت. 

أنا قررت إني أغير نفسي، إن أختم هذه السنة بـ ٩٠ نظيفة، تذكروا اسمي لأنكم في آخر السنة سترون شهادتي. 

وتذكروا اسمي لإني سأحصل على كل شهادات التعافي 

ولا أبالغ وليست لحظة سأعتبر نفسي ألتحقت في كلية واعي فلقد تركت كل شيئ فقط لأتبع دروس و مهام لمدة سنة وسأحصل على شهادة سنة التي تثبت نجاحي. 

وسأفعل ما بوسعي لأتعافى، لو وصل الموضوع إن لا أنام ولا أكون بخير و لا أشعر بشيئ سأفعل كل شيئ لأتعافى، نعم أنا أريد دفع الثمن مهما كان ️‍

أريد أن أختم بقول :

تجري الرياح كما تجري سفينتنا      

نحن الرياح ونحن البحر والسـفـن

إن الذي يرتجي شيئاً بهمتــــــه      

يلقاه لو حاربتــــــه الإنس والجــن

فاقصد إلى قمــم الأشياء تدركها    

تجري الرياح كما رادت لها السفن

#البطلة_داليا